Vizslubloggið

 Jæja, það var kominn tími á að við fengjum okkar sæti hérna á Mbl.is. Við erum Dixie og Polka.

Við erum fallegar og blíðar Vizslur og erum systur. Önnur okkar var að skjóta fram 9 litlum gullmolum sem má sjá hér að neðan - en mynd númer tvö er af litlu skottunum eins og þau eru í dag! Fyrir neðan það eru myndir af goti og fleiru. Vonandi hafið þið gaman af.

Munið að þið getið séð okkur mun stærri og enn fallegri ef þið ýtið á myndirnar með músinni/bendlinum! 

Hér eru systurnar Dixie og Polka.

 Hér erum við - unglingarnir á heimilinu - eins og við erum nákvæmlega núna! Erum við ekki sæt öll sömul? Við erum tvær skvísur og sjö töffarar. Við erum hrikalega mikil skott og við segjum ykkur satt - að kappinn sem er að skrifa þetta hérna - er kattakall og ekkert fyrir hunda.

Hann steinlá fyrir okkur samt og honum langaði mikið til að taka okkur öll með sér heim en henda kisunni ...

Hér fyrir neðan má sjá fyrsta skottið koma í heiminn. Síðan birtist hver á fætur öðrum.

 Við vorum náttúrulega teknir hver af öðrum og settir í barnabala á meðan mamma kláraði dæmið og kom okkur öllum í heiminn - mikið var hún nú dugleg!  En svo fengum við náttúrulega að liggja hjá mömmu - sem var orðinn dauðþreytt - og við vorum sko ekki lengi að finna okkur góðan og djúsí spena til að ná okkur í næringu!

 Móðursystir okkar var á vappi í tíma og ótíma í kringum mömmu á meðan á þessu öllu stóð - og fylgdist vel með að allt myndi nú ganga vel, sem það auðvitað gerði!

 Auðvitað var það stórfengleg sjón að sjá okkur mæta í heiminn - finna okkur stað á spena og koma okkur fyrir í þessum undarlega heimi sem nú blasti við okkur. Við segjum ykkur satt að við höfum öll erft flottheitin, fegurðina, gáfurnar og ljúfa lundina frá mömmu okkar sem er eins yndisleg og hægt er.

 Um þessar mundir erum við orðin of stór til að fá að liggja öll saman hjá mömmu og drekka - enda við kraftmikil og fjörug - en húsbóndi okkar sér til þess að skipta okkur niður á spena. Svo erum við nú líka byrjuð að fá að borða - en það er stórkostlegt. Við stækkum bara heilmikið á hverjum degi.

Móðursystir okkar er eins og lífvörður yfir mömmu og okkur útum allt! Enda er það heilmikil ábyrgð að vera orðin móðursystir 9 unglinga og eins gott að rétta hjálparloppu þegar fjölgar á bænum.

Við þökkum auðvitað kærlega fyrir innlitið núna og vonum að þið lítið aftur við hjá okkur á næstu vikum því við fáum birtar fleiri myndir teknar af okkur af og til. Auðvitað getið þið fengið upplýsingar um okkur ef þið viljið - með því að senda okkur athugasemdir með póstfangi eða þannig!

Kær kveðja í bili.

Dixie og Polka - ásamt 9 ungum fjörkálfum.

P.s. auðvitað erum við Vizslur en ekki kálfar - but you know that i guess!

Seinasti hvolpurinn til að flytja að heiman var Hrappur.  Hrappur naut mikillar sérstöðu í hópnum þá aðallega fyrir að vera eini rakkinn.  Hann var 600 gr við fæðingu,  en þegar líða tók á tíman varð hann auðvitað stærstur.  Þegar hvolparnir voru átta vikna voru þeir vigtaðir og voru tíkurnar á bilinu sex til sjö kíló, en Hrappur var níu kíló.  Okkur til mikillar gleði þá fékk Hrappur að halda nafninu sínu þegar hann flutti.  Hrappur flutti til Kjalanes en verður einnig með annan fótinn í langholtshverfinu.  Hrappur verður hluti af stórfjölskyldu, en foringinn hans er ungur maður.  Hluti af leikfélögum Hrapps er 4 ára stúlka, 10 ára stúlka og 10 ára drengur.  Einnig mun hann búa með tíkinni Nölu sem er blanda af Border Collie og Boxer.  Við þökkum Hrappi fyrir samveruna og óskum nýja flokknum innilega til hamingju með nýja meðliminn.

Felga litla var um 600 gr við fæðingu en þegar líða tók á tíman varð hún lítil og nett.  Ekkert ósvipuð Bellu litlu.  Felga flutti einnig til Selfoss og býr ekkert langt frá systur sinni henni Töru.  Felga litla fékk nýtt nafn þegar hún flutti og var það nafnið Freyja.  Sú skemmtilega tilviljun að systurnar tvær Tara og Freyja hafi báðar farið til Selfoss varð ennþá skemmtilegri þegar nýju eigendurnir sögðu okkur hvað hún ætti að heita.  En hún Tara litla var kölluð Freyja hér í Álfatúni.  Nýji flokkurinn hennar Freyju (Felgu) samanstendur af hjónum með þrjú börn.  Nýju leikfélagarnir hennar Freyju eru fimm ára stúlka, sjö ára drengur og fimmtán ára unglingur.  Við höfum fengið smá fréttir af henni Freyju litlu sem er víst hinn mesti nautnaseggur og kann best við sig þegar nógu margir eru að hnoðast með hana og veita henni athygli.  Við þökkum Freyju fyrir samveruna og óskum nýja flokknum innilega til hamingju með nýja meðliminn.

Þá er hún Bella litla farin.  Bella fékk nafnið strax og hún kom í heiminn, og var það vegna þess að hún skar sig verulega úr hópnum.  Hún var ljósasti og smágerðasti hvolpurinn, var um 400 gr við fæðingu á meðan hinir voru um 600 gr.  Bella litla svipar mjög til ömmu sinnar sem ber nafnið Hera.  Nýji flokkurinn hennar Bellu er stór og samanstendur af stórfjölskyldu í Kópavogi,  en foringinn er ung kona sem mun sjá aðallega um Bellu þótt fleiri aðilar komi þar að.  Við þökkum Bellu fyrir samveruna og óskum nýja flokknum innilega til hamingju með nýja fjölskyldumeðliminn.

Nú færist enn meira fjör í hvolpana, enda orðnir 9 vikna.  Þeir fóru upp á dýraspítalan í Víðidal í gær, þar sem þeir voru skoðaðir og hlustaðir,  allir stálhraustir og komu rosalega vel út.  Í leiðinni voru þeir örmerktir, bólusettir og ormahreinsaðir.  Bílferðin upp á spítala og aftur heim gekk rosalega vel, enda fengu þeir að hafa mömmu sína með sér.  Þannig að nú eru krílin tilbúin til afhendingar og fara að fljúga úr hreiðrinu fljótlega.