Nokkrar myndir af hvolpunum

Allt gengur eins og í sögu hér í Barmahlíðinni. Hvolpunum líður öllum vel og stækka og dafna hratt og vel. Einn af litlu greyjunum er að vísu minni en systkinin sín og þarf að fá smá auka athygli. Við Margrét (aðallega Margrét) höfum gefið honum pela til þess að bæta upp átroðninginn, sem hann verður fyrir þegar hann er að keppa við systkinin sín um spena.

Foreldrar Margrétar hafa verið ótrúlega hjálpsöm og yndisleg og fóru m.a. í Garðheima fyrir okkur um helgina og keyptu hvolpablöndu, sem hrist er saman við volgt vatn (soðið vatn, að sjálfsögðu) og síðan sett á pela.

Eftir circa viku bjóðum við fyrstu gestunum í heimsókn. Fram að því höfum við bannað allar heimsóknir. Það verður líklega nóg að gera þegar við opnum dyrnar. Þegar er búið að lofa fjórum hvolpum og á föstudaginn og laugardaginn verða greyin auglýst í Fréttablaðinu og þá má búast við að restinni verði lofað.

Hérna koma svo tvær myndir sem teknar voru á sunnudaginn:

 

Athugasemdir

[Forvitna blaðakonan, 1.4.2007 kl. 06:38]

Ég á uppskrift að göróttum drykk sem gerir allgjört kraftaverk á hvolpum sem ekki vilja þyngjast; í honum er meðal annars LLG+, Magnamín eggjarauður, rjómi og sitthvað fleira. Þessi görótti drykkur bjargaði lífi hvolps hjá mér þegar búið var að reyna allt og Dýri sagði að eitthvað væri að og þannig væri bara nátúruan; vildi slá hann af en ég gafst ekki upp. Þessi hvolpur varð fallegasti hvolpur gotsins þegar fram liði stundir.

En þetta eru dýrðarinnar dagar hjá ykkur núna og svo.... þið komist nógu snemma að því.