7.febrúar 2008

Rúmlega fjögur eftirmiðdaginn 7.febrúar fór Lena að vera óróleg, rótaði í bælinu og minnti einna helst á manneskju sem glímir við svefnleysi og byltir sér og bröltir.  Stuttu seinna kom fyrsti hvolpurinn.  Stórfenglegt var að horfa á tíkina gjóta þar sem hún hvorki vældi né sýndi mikil merki um vanlíðan, hljóðlaus, lítill rembingur og hvolpur kominn.  Hún fékk góðar hálftíma til fjörtíumínútna pásur á milli hvolpa. Og þegar dæmið var klárað, rúmum sex tímum seinna voru mættir á svæðið sex litlir hvolpar,  fimm tíkur og einn rakki.  Hver hvolpur var vigtaður og voru fimm þeirra 600 grömm,  Bella litla, sem er ljósasti hvolpurinn og smágerðasti vóg um 400 grömm. Þrátt fyrir að Bella litla sé smágerð, þá gaf hún ekkert eftir í baráttunni um spenna.  Engin hvolpur varð undir í spenaleit og allir sýndu mikinn baráttuvilja í leit að móðurmjólkinni.

 

Athugasemdir

[Fanney Harðardóttir (IP-tala skráð) 27.3.2008 kl. 14:15]

Til hamingju. Alltaf gaman og æðislegt að sjá svona hvolpaskott. Ég á kannski eftir að upplifa ömmu tilfinningu ef Bassi minn verður einhver tímann pabbi.

Kveðja Fanney og Jarðar Bassi