Bless Bless Tara (Freyja)

Freyja litla var um 600 gr við fæðingu,  hún var ásamt þremur öðrum tíkum algjör bolti.  Þær voru allar svo líkar að þær urðu tilefni til að kaupa mislitaðar ólar til að það væri hægt að þekkja þær í sundur.  Freyja flutti til Selfoss og samanstendur nýji flokkurinn hennar af ungu pari með eitt barn sem verður tveggja ára í haust, þannig að hún er með leikfélaga á svipuðu reki.  Freyja fékk nýtt nafn þegar hún flutti og er nýja nafnið hennar Tara.  Tara er komin með tvær vinnur og verður hún á fullu í sumar með eigendum sínum.  Annar eigandi hennar er fornleifafræðingur og mun Tara fylgja henni og aðstoða við að fornleifaskrá í flóanum, hinn eigandinn verður að smíða innréttingar og mun Tara einnig aðstoða við það. Við þökkum Töru fyrir samveruna og óskum nýja flokknum til hamingju með nýja fjölskyldumeðliminn.

Athugasemdir

[Sandra Huld (IP-tala skráð) 19.4.2008 kl. 12:51]

Til hamingju með nýja fallega nafnið þitt Tara

Kveðja, Jarðar Tara (systir Lenu)