Hundalíf

Hundalífið í 108 gengur vonum framar. Fiðla opnaði augun sín fyrst og síðan fylgdu systkini hennar í kjölfarið eitt af öðru. Tennurnar létu á sér kræla sömmu síðar með tilheyrandi nagi.  Eftir að grauturinn kom til sögunnar urðu drastískar breytingar á öllu er varðaði hvolpakrílin. Þeir stækkuðu enn hraðar og fá graut þrisvar á dag. Rímu finnst afkvæmi sín orðin frekar fjörug og stundum keyrir um þverbak í hamaganginum að henni finnst. Í gær yfirgáfu þeir kassann sinn og fóru niður í kjallara þar sem er meira pláss til alls. Ríma var ekki par hrifin af flutningnum niður í kjallara og settist í gotkassan í gærkveldi og vældi á mig. Vildi mótmæla þessum breytingum. Nagþörfin eykst með hverjum deginum sem líður.og eru eyru, skott og útlimir systkina vinsælastu nagtólin. Það er stutt í gússimússí hjá hvolpakrílunum og sækja þeir mikið í athygli, kjass og gússímúss alveg eins og mamma þeirra enda eru Vizslur mjög kelnar skepnur og þurfa mikla ást.

Hér eru nokkrar myndir frá vikum 2 og 3 en þær er einnig að finna á flickr.com.

 

Athugasemdir

[Sandra Huld Jónsdóttir (IP-tala skráð) 21.6.2007 kl. 20:23]

Frábært að heyra að vel gengur og þeir dafni vel.  Það væri rosalega gaman að fá að sjá krílin litlu einhvern tíman

Kveðja, Sandra (Jarðar Tara)

[Hildur Vilhelmsdóttir (IP-tala skráð) 22.6.2007 kl. 21:23]

Fínar myndir af hvolpunum.  Ég segi eins og Sandra það væri mjög gaman að fá að sjá þá einhvern tímann.  Gangi ykkur áfram sem allra best .

Kveðja, Hildur eigandi Jarðar Fífu. 

[Margrét, Ómar, Hugó og Hera (IP-tala skráð) 22.6.2007 kl. 22:54]

Hæ, hæ,

Þeir eru ótrúlega sætir og flottir. Það er frábært að heyra hvað það gengur vel með þá... Hlökkum til að kíkja í heimsókn sem fyrst!

Margrét & Ómar 

[Polka og Dixie og hvolparnir níu, 25.6.2007 kl. 10:29]

Verið velkomin, munið bara að hringja á undan ykkur til að tryggja við séum heima.